നഗ്മ എവിടെ ?

ഒരു കാലത്ത് തെന്നിന്ത്യയിലെ ചെറുപ്പക്കാരുടെ ഉറക്കം കെടുത്തിയ നഗ`മ ഇപ്പോള്‍ എവിടെയാണ് ?

കുചേലന്റെ കഥപറയുമ്പോള്‍...

രജനികാന്ത് ഒരു വിസ്മയമാണ്.ഇന്ത്യയിലും വിദേശത്തും ധാരാളം ആരാധകരുളള ഇദ്ദേഹം മൂന്ന് പതിറ്റാണ്ടുകളായി ഐതിഹാസയാത്ര തുടങ്ങിയിട്ട്.രജനിയുടെ അമാനുഷിക കഥപാത്രങ്ങള്‍ ജനങ്ങള്‍ക്കിടയില്‍ അപാരസ്വാധീനം ചെലുത്തി.എം.ജി.ആര്‍,ശിവാജി എന്നിവര്‍ക്കു ശേഷം തമിഴ് ജനതയുടെ മനസില്‍ ആഴത്തില്‍ ആധിപത്യം നേടാനായത് രജനിക്കു മാത്രമാണ്.
ബാഗ്ലൂരില്‍ മറാത്ത വംശജനായ ഒരു സാധാരണ പോലീസുകാരന്റെ മകനായി ജനിച്ച ശിവാജിയുടെ കുട്ടികാലത്തു തന്നെ അമ്മ മരിച്ചു.പഠനത്തില്‍ പിറകിലായിരുന്ന ശിവാജി കൂട്ടുകാരുമൊത്ത് കറങ്ങി നടക്കാനാണ് ഇഷ്ടപ്പെട്ടിരുന്നത് .അടിപിടി,മദ്യപാനം തുടങ്ങിയവ പതിവാക്കിയ ശിവാജി നാട്ടുകാര്‍ക്കും വീട്ടുകാര്‍ക്കും ഒരുപോലെ തലവേദനയായി മാറി. ചുമട്ടുതൊഴിലാളി,സെക്യൂരിറ്റി എന്നിങ്ങനെ പല ജോലികളും ചെയ്തെങ്കിലും ഒടുവില്‍ കര്‍ണ്ണാടകാ ട്രന്‍സ്പോര്‍ട്ടില്‍ ഉദ്വോഗസ്ഥനായ ബന്ധുവിന്റെ ശ്രമഫലമയി ശിവാജിക്കു കണ്ടക്ടറായി ജോലി ലഭിച്ചു.എന്നിരുന്നാലും മദ്യപാനത്തിനും അടിപിടിയും ഒട്ടും കുറവുണ്ടായില്ല.ഓരോ ദിവസവും പുതിയ സ്റ്റൈലുമായി എത്തിയ കണ്ടക്ടര്‍ യാത്രകാര്‍ക്ക് നല്ല നേരമ്പോക്കായിരുന്നു.
മദ്രാസിലെ സൌത്ത് ഇന്ത്യന്‍ ഫിലിം ഇന്‍സ്റ്റിറ്റൂട്ടിലെ പഠനത്തിനിടയില്‍ സംവിധായകന്‍ കെ.ബാലചന്ദ്രറിനെ പരിചയപ്പെട്ടത്.ശിവാജിയുടെ ജീവിതത്തിലെ വഴിത്തിരിവായി 1975 ല്‍ കെ.ബാലചന്ദ്രര്‍ സംവിധാനം ചെയ്ത ‘അപൂര്‍വരാഗം‘ എന്ന ചിത്രത്തിലുടെ ശിവാജി തമിഴ് സിനിമയില്‍ അരങ്ങേറ്റം കുറിച്ചു.
“ഭൈരവി വീട് ഇതുതാനാ..... നാന്‍ ഭൈരവിയുടെ പുരുഷന്‍” ഇതായിരുന്നു ശിവാജിയുടെ ആദ്യ ഡയലോഗ് ശിവാജിക്ക് രജനികാന്ത് എന്ന പേര് നിര്‍ദ്ദേശിച്ചതും ബാലചന്ദ്രറായിരുന്നു.വില്ലനായും സഹനടനായും വെള്ളിത്തിരയിലെത്തിയ രജനികാന്തിന്റെ അഭിനയജീവിതത്തില്‍ 1980-ല്‍ ഇറങ്ങിയ ‘ബില്ല’മറ്റൊരു വഴിത്തിരുവായി.എണ്‍പതുകളില്‍ ഇറങ്ങിയ മിക്ക രജനി ചിത്രങ്ങളും ബച്ചന്‍ ചിത്രങ്ങളുടെ റിമേക്കുകളായിരുന്നു.ബില്ല,വള്ളി,ബാബ എന്നി ചിത്രങ്ങള്‍ക്കു ശേഷം ചലചിത്രരംഗം വിടുകയാണെന്നു പ്രഖാപിച്ചെങ്കിലും അതുണ്ടായില്ല.സൌകര്യപൂര്‍വ്വം എ.ഐ.അ.ഡി.എം.കെ യിലും ഡി.എം.കെ യിലും കളം മാറ്റിചവിട്ടിയ സ്റ്റൈല്‍മന്നന്റെ രാഷ്ടീയനിലപാടുകളും വിമര്‍ശനങ്ങള്‍ വിളിച്ചുവരുത്തി( ഏറ്റവും പുതിയ ഉദാഹരണം കാവേരി പ്രശ്നത്തില്‍ കര്‍ണ്ണാടകയോട് മാപ്പ് പറഞ്ഞതും പിന്നീട് തിരുത്തിയതും.2002-ല്‍ ഇതേ പ്രശ്നത്തില്‍ ഇദ്ദേഹം ഉപവാസസമരം നടത്തിയിരുന്നു)
ഇന്നു എഷ്യയില്‍ ഏറ്റവും കൂടുതല്‍ പ്രതിഫലം പറ്റുന്ന രണ്ടു താരങ്ങളില്‍ ഒരാളണ് രജനികാന്ത്(ഏകദേശം 53 കോടി രൂപ വരെ).മറ്റൊരു താരം ജാക്കിചാന്‍.ജാക്കിചാന്‍ വളരെയധികം അപകടസധ്യതയുള്ള സംഘട്ടനരംഗങ്ങളില്‍ ജീവന്‍ പണയം വച്ചു`അഭിനയിക്കുമ്പോള്‍.രജനികാന്ത് തനതുശൈലിയിലുള്ള സ്റ്റൈലുകള്‍ കൊണ്ട് ഇന്ത്യക്ക് അകത്തും പുറത്തും ധാരാളം ആരധകരെ ഉണ്ടക്കിയെടുത്തു.(ജപ്പനില്‍ ഫാന്‍സ് അസോസിയേഷന്‍ ഉള്ള ഏക ഇന്ത്യന്‍ താരം രജനികാന്താണ്).അനീതിക്കെതിരെ പോരാടുന്ന, അധ:സ്ഥിത ജനങ്ങളുടെ രക്ഷകന്മാരയ സ്വന്തം കഥാപാത്രങ്ങളുടെ ആതേ ഇമേജുതന്നെ ആണ് രജനിക്ക് വെള്ളിത്തിരക്ക് പുറത്തും

വേണ്ട.... ഞാന്‍ മിണ്ടൂലാ.

ജീവനില്ലാത്ത മതം

മതത്തെ സംബന്ധിച്ചിടത്തോളം എല്ലാവരും നുണ പറയുകയാണ് . ക്രിസ്ത്യാനികള്‍, മുഹമ്മദീയര്‍,ജൂതന്മാര്‍,ജൈനന്മാര്‍ ,എല്ലാവരും നുണ പറയുന്നു. അവരെല്ലാം ദൈവത്തെ കുറിച്ചും സ്വര്‍ഗ്ഗനഗരങ്ങളെക്കുറിച്ചും മാലാഖമാരെക്കുറിച്ചും എല്ലാത്തരം അസംബന്ധങ്ങളും പുലമ്പുന്നു-യാതൊന്നും അറിയാതെ തന്നെ
കുറഞ്ഞപക്ഷം ഒരു കൊച്ചുകുട്ടിയോടെങ്കിലും ആരും നുണ പറയാന്‍ പാടില്ല അത് ക്ഷന്തവ്യമല്ല.കുട്ടികള്‍ നൂറ്റാണ്ടുകളായി ചൂഷണം ചെയ്യപ്പെടുകയാണ്.അവര്‍ വിശ്വസ്തരാകാന്‍ തയ്യാറാണ് എന്നതുകൊണ്ടു മാത്രം.നിങ്ങള്‍ക്ക് അവരോട് നുണ പറയാം.അവര്‍ നിങ്ങളോട് വിശ്വസ്തരുമായിരിക്കും.നിങ്ങള്‍ ഒരു പിതാവൊ മാതാവൊ ആണങ്കില്‍ നിങ്ങള്‍ ശരിയാണെന്ന് അവര്‍ വിചാരിക്കും.അങ്ങനെയാണ് മാനവരാശിയാകെ കളങ്കത്തില്‍ ജീവിക്കുന്നത്,നൂറ്റാണ്ടുകളായി കുട്ടികളൊട് പറഞ്ഞു പോരുന്ന തൊട്ടാല്‍ വഴുക്കുന്ന നുണയുടെ കട്ടിയായ ചളിക്കുനയ്ക്കുമേല്‍.നമുക്ക് ഒരേ ഒരു കാര്യം ചെയ്യാന്‍ കഴിയുമെങ്കില്‍,വെറും ലളിതമായ ഒരു കാര്യം-കുട്ടികളോട് നുണ പറയാതിരിക്കുകയും നമ്മുടെ അജ്ഞത അവരുടെ മുമ്പില്‍ തുറന്നു പറയുകയും ചെയ്യുക-അപ്പൊള്‍ നമ്മള്‍ മതാത്മകരായിത്തീരുകയും അവരെ മതത്തിന്റെ പാതയിലേക്ക് നയിക്കുകയും ചെയ്യും. കുട്ടികള്‍ നിഷ്കളങ്കത മാത്രമാണ്.നിങ്ങളുടെ അറിവെന്നു പറയപ്പെടുന്നവയൊന്നും അവര്‍ക്ക് നല്‍കാതിരിക്കുക.എന്നാല്‍ നിങ്ങള്‍ സ്വയം ആദ്യമേ നിഷ്കളങ്കരും കളളം പറയാത്തവരും സത്യസന്ധരും ആയിരിക്കണം
ഓഷോ രജനീഷ്

ഭാര്യ

ഒരിക്കല്‍ വിക്ടോറിയ രാജ്ഞി അടക്കാനാവാത്ത കോപം വന്നു. ആ സമയത്തു ഭര്‍ത്താവ് ആല്‍ബര്‍ട്ട് ഒരു അക്ഷരം പോലും പറയാതെ മുറിയില്‍ കയറി കതകടച്ചു.രാജ്ഞി കതകില്‍ മുട്ടി.
“ആരാണത്?"അല്‍ബര്‍ട്ട് ചോദിച്ചു.
“ഇഗ്ലണ്ടിലെ രാജ്ഞി”.
അല്‍ബര്‍ട്ട് വാതില്‍ തുറന്നില്ല.രജ്ഞി വാതിലില്‍ വീണ്ടും മുട്ടി. രക്ഷയില്ലെന്നു മനസിലാക്കിയ അവര്‍ അവസാനം സ്നേഹപൂര്‍വം പറഞ്ഞു
“ആല്‍ബര്‍ട്ട് ദയവായി വാതില്‍ തുറക്കു, ഇതു അങ്ങയുടെ ഭാര്യയാണ് "
പെട്ടന്ന് ആല്‍ബര്‍ട്ട് വാതില്‍ തുറന്നു

ഒരു കുഞ്ഞു ക്രിസ്തുമസ് ചിന്ത

ആശംസകാര്‍ഡില്‍ ക്ലിക്ക് ചെയ്താല്‍ വലുതായി കാണാം

ക്രിസ്തുമസ് ഒരു ജനതയുടെ ഉയര്‍ത്തെഴുന്നേല്‍പ്പിന്റെ ഉത്സവമാണ്. രക്ഷകനു വേണ്ടിയുള്ള പീഡിതജനത്തിന്റെ കാത്തിരുപ്പിന്റെ ഓര്‍മ്മപുതുക്കലാണ്.സമാധാനത്തിന്റെ,എളിമയുടെ,പങ്കുവയ്ക്കലിന്റെ ആഘോഷമാണ്.

യേശുവിന്റെ ജനനം നേരില്‍ കാണാന്‍ ഭാഗ്യമുണ്ടായതു അന്നു പുല്‍തൊഴിത്തിലുണ്ടായിരുന്ന കാലികള്‍ക്കായിരിക്കണം. എന്നാല്‍ ഇന്നു എറ്റവും കൂടുതല്‍ കാലികള്‍ കൊല്ലപ്പെടുന്നതു ക്രിസ്തുമസ്

ആഘോഷങ്ങള്‍ക്കു വേണ്ടി ആയിരിക്കും. എന്തൊരു വിരോധാഭാസം അല്ലേ.

ബലിപ്പെരുന്നാള്‍ ദിവസം മക്കയില്‍ 10ലക്ഷം ആടുകളെയാണ് ബലി അര്‍പ്പിക്കുന്നത്. മുമ്പ് ചത്ത ആടുകളെ കുഴിച്ചിടുകയായിരുന്നു പതിവ്.ഇപ്പോള്‍ അവയുടെ മാംസം ടിന്നിലടച്ചു ആ‍ഫ്രിക്കന്‍ രാജ്യങ്ങളിലേക്ക് കയറ്റി അയക്കുന്നുണ്ട്. കൊന്ന പാപം തിന്നാല്‍ തീരും അല്ലേ?

പാപം ചെയ്യാത്തവര്‍ കല്ലെറിയട്ടെ

അമ്മേ ...................ഓടിമറഞ്ഞുകൊള്ളു

ചോദ്യമുനകളുമായി വീണ്ടും വസ്ത്രാക്ഷേപം ചെയ്യാന്‍ അവര്‍ പുറകിലുണ്ട്

വനിത കമ്മിഷന്‍,മനുഷ്യവകശസംഘടനകള്‍,ഐജി.................

ഇവരെ കൊണ്ടു നിനക്കു` എന്തു പ്രയോജനം

ഈ അന്വേഷണം കൊണ്ട് നിനക്ക് എന്തു ഗുണം

അമ്മേ.......... ഉടുതുണി വാരിയെടുത്തു ഓടിക്കൊള്ളു

നിന്നെ തെരുവില്‍ എറിഞ്ഞവര്‍.നിന്റെ തുണിയുരിഞ്ഞു` നഗ്നത ഊറ്റിക്കുടിച്ചവര്‍

മൊബൈല്‍കാമറകളില്‍ പകര്‍ത്തി നിന്റെ നിസഹായത ആഘോഷമാക്കിമാറ്റിയവര്‍

നിന്റെ പുറകിലുണ്ട്

അമ്മേ.........ഉന്തിയവയര്‍ കാര്യമാക്കേണ്ട രക്ഷപെട്ടുകൊള്ളു

ശാരിയേയും അനഘയേയും പിച്ചിചിന്തിയവര്‍ക്ക് ചുവപ്പുപരവതാനി വിരിക്കുന്ന

അറിവിനായി ദാഹിച്ച രജനിയെ ജീവന്റെ മണം മാറുമുമ്പ് അഭിസാരിക എന്നു വിളിച്ചവര്‍ക്ക്

ഓശാന പാടുന്ന ദൈവത്തിന്റെ സ്വന്തം നാട്ടുകാര്‍ നിന്റെ പുറകിലുണ്ട്

അമ്മേ.......ഓടിക്കൊള്ളു ബിഹാറിലേക്ക് ഓടിക്കൊള്ളൂ

അവിടെ നിനക്കു മരണത്തെ നേരിടേണ്ടിവരാം,കാട്ടുനീതി വിധിക്കപ്പെടം

എങ്കിലും നീ ഒരു കാഴ്ചവസ്തു ആകില്ല

നിന്റെ നിറവയറില്‍ മര്‍ദ്ദനമേക്കേണ്ടി വരില്ല